حرمتني من حبة عيني
وربنا ينتقم منكم يا كفره
عشان اشفي فيكم غليلي
ضيعتوا فرحة ايامي وسنيني
حسبي الله ونعم الوكيل
كان نفسي افرح بيه واشيل ليه
لكن جيتوا انتم وبدون ضمير
اخدتوه مني وحرمتوني من كل شئ
كان بيجمع بيني وبينه
ليه بتهون عليكم
تحرقوا نار قلوبنا علي اولادنا
فلذات اكبادنا بعد ما كانوا هما
ماليين الدنيا علينا فجأة
ومن غير إنذار
تولعوها نار في كل بيت
وكل دار وبدل
ما افرح بولاده الصغار
اشوفه في الاكفان
ضيعتوا كل الاحلام ليا وليه
بس انا واثقه بيه انه بيدعيلي
في الجنة ان ربنا يصبرني علي
فراقه ويبرد قلبي عليه
ويصبر كل ام علي ما فقدته
من شهداء الواجب والوطن والموت
لكم حتما منتظر لانه كل شئ يغتفر
الا ان تمد ايد الغدر ليهم
برصاصه خرسه في قلوبهم
ربنا ينتقم منكم يا كفره والله
اصبر لو هذا حكم القدر لكن
يا خسارة ده حكم البشر ان
الغدر يجي من اي حد
غير من اقرب الناس عشان
حفنه من الفلوس علي كل
شئ ببلادنا وعلي دم اخواتنا
بندوس لكن والله وبجد
انا مش عارفه اوصف احساسي
ان الغدر يجي من اهلي وناسي
اه و اه من زمان اسي
وازاي اصبر عليكم اكثر من ذلك
يا رب ربنا يصيبكم بالمهالك
زي مضيعتوا امان الحياة ليا
لا مش ممكن يوم انسي
كل كلمة حلوة يا نور العين
حبك في القلب وفي الوجدان
ومش ممكن يوم انساك
وطول عمري هفتكر
ان اللي قتلك خاين وجبان
وعمره ما كان انسان روح
يا قلبي الجنة مسنياك
بقلم زينب امين قنديل
ليست هناك تعليقات:
إرسال تعليق