الإنتقام الشرس !! محفوظ البراموني

الإنتقام الشرس !!

واحد بلدينا ..

و هو ب يموت ..

قال ل مراته ..

وصيتي لكي ..

لما أموت ..

تتجوزي حسانين ولد خالتي ..

قالته ..

إشمعنى يا محمدين يا ولد عمي ..

قال لها ..

أصل إبن البغل ضحك عليا زمان ..

و باع لي جاموسة عيانة ..

و أنا عايز أنتقم منه ..

و الله المستعان ..

سمعت النكتة دى من صديق و هو من الصعيد ..

جلست افكر فيها ..

ف كتبت عليها ..

الراجل ده دماغه كلها سم ..

ب يفكر ف القتل ب دون دم ..

فهمان حتى وهو عيان و ب يموت ..

واعر جوي جوي يا بوي و دماغه فيها أخطبوط ..

ده انت يا حسانين يا ولد خالته ..

ها تشوف أيام تقول بعدها ليه يارب خدته ..

لو عيشت معاها الست دى و كملت ..

ها تبقى حياتك هباب و أسفلت ..

و هاتقول يارتني ما وافقت ..

و جريت منها و إختفيت و هربت ..

ولد خالتك محمدين ب يحبك يا حسانين موت الموت ..

ها يجوزك ب ست زى سمك القرش و الحوت ..

هتجيبك ع الأرض وها تخد زومبه ب جد ..

من ولد خالتك محمدين ..

ربنا يستر عليك يا واد يا حسانين ..

انتقام قريبك الميت محمدين ..

علقم ها تشربه ف كاسين ..

كاس مخلوط ب مية نار ..

كاس محطوط ع فحم مولع نار ..

هتعيش معاها مفيش جنة كل نار ..

هو ده الإنتقام الشرس بدون ضرب نار ..

هذيان قلم : 

: محفوظ البراموني :

حوار بين الغنى والفقير من ديوان حوارات - ياسر شرف كبير محررين مترجمين باتحاد الاذاعة والتلفزيون

حوار بين الغنى والفقير

من ديوان حوارات

- فقير بتشكى كتير وقليل

والشكوى منك طفحت كيل

كسلان وعايز كل الخير

وبتنعى حظك صبح وليل

- عشان غنى تعايرنى كتير

بأنى كسلان قوى وفقير

وتقول فلوسك بالملايين

بتشترى فقرا ومساكين

- أنا كنت زيك برضه فقير

لكن بعقلى وجهدى كتير

عملت شهرة وشغل عظيم 

بالحكمة يعنى وبالتوفيق

الصعب يسهل كده ويلين

ده كفاح كبير ويا التوفير

والثروة تكبر بالملايين

لكن اشتكى دايما وكتير

يبقى النتيجة حبقى فقير 

- الحظ دوره اهم كتير

والزهر يلعب يدى فقير

حتى ولو كان يوم كسلان

يدى له شهرة ومجد ومال

ومنحوس ده مهما شغله كتير

ولا فايدة حتصيبه وتصير

فى ناس حظوظها تصير ثروات

وناس حظوظها هموم نكبات

- ربك ده عدله كده بميزان

وحكمته للكل تبان

حظك ده ممكن فى الأولاد 

وساعات بيبقى فى الأموال 

وساعات يكون فى الصحة كمان

او زوجة صالحة ويعنى جمال

وعملك أكيد هو اللى يصير

فى الدنيا والآخرة كمصير

بس المهم رضا وعرفان

والحمد دايما ويا إيمان 

والبركة تيجى من الرحمن

لغنى وفقير فى بنى الانسان. 

مع تحيات الفقير إلى الله

ياسر شرف

كبير محررين مترجمين

باتحاد الاذاعة والتلفزيون

بقلم هويدا الناصر

حبيتك ووثقت فيك كل ليله اناجي القمر اسألوا عنك يجاوبني حبيبك غاب اخذتوا نجمه منك لا تنتظريه قلبوا لغيرك مال ما اصعبك يا زمان وين الحب والإخلاص والله خلاص مجرد وعود كاذبه وأحلام ضاعت بلليالي الحب المنسيه كذب ووعدني احلام ورديه نعيش معا كل العمر نصبر ونتحمل سوى هراء ونفاق كلوووااه شووزعلني خداعك بكرا تعرف حقيقه مشاعرك عمرك ماراح تتهنى بعت القلب يلي حبك الزمن والله دوار ماشي بظل عهلحال راح ترجع وتبوس الايادي ولكن علفاضي عمري ماراح اسامحك اه مااقسى طبعك الغدر هوصفاتك كرهتك ولاتصدق في يوم اسامحك

بقلم هويدا الناصر

بقلم زغلول الطواب

الحب كلمه بمناسبة عيد الأم

بهديها لكل أم كان نفسي أهديها لأمي

ربنا يرحمها ويسكنها فسيح جناته 

وكل أم رحلت عن دنيانا ربنا يرحمها ويغفر لها أمين يا رب العالمين

خالص تحياتي

زغلول الطواب

الحب كلمه

جوه القلب

بنحس بيها

لما نحب

وإنتي يا أمي

أجمل حب

عيدك عندي

عيد الحب

بحبك وإنتي

عارفه يا أمي

بحبك بصدق

لو عمري كله

أقدمهولك هديه

مش هيوفي

حقك عليا

ياما سهرتي

ياما عليا خوفتي

كنتي بتتمني

لو يوم تعبت

تبقي بدالي

يا أطيب قلب

بحبك يا أمي

وبتمني رضاكي

ياللي الجنه 

تحت رجليكي

رضاكي يا أمي

من رضا الرب

يا أمي تحياتي

يا حبيبتي دعواتي

يا أجمل هديه

من أعظم أب

بابا حبيبي

أمي حبيبتي

ربنا يخليكم ليا

طول العمر

بحبك يا أمي

يا أطيب قلب

بقلم

زغلول الطواب

اشرف الشناوى البرامون....المنصوره

تفاصيلك

تفصيل

تجاعيدك

محبوكه

تمام

وكان الترزى

واخد

مقاساتك

من كام/

سنه........

جرحك

زى اللبلاب

بيلف

فى ضحكك

وبيخنق فيك

وبيعلا

لما يحصل

باب السما

ويغطيك

زى السيراميك.....

الصبح

اللى بترسم

فيه

ومغطيه

هتعديه ازاى

من غير

الحوت

او شجرة توت

او نبوت......

الليل 

مليان كوابيس

على كام

جرح كبيس 

وخيال 

ع الحيط

عمال يتمرجح 

وكانه عجوز

بيسبح 

والخوف نازل

تلطيش........

مستنى

نهارك يطلع

م القمقم

ويقولك

شبيك لبيك 

انا ملك

ايديك 

ويقدم لك

فى فروض

الطاعه

والليل فزاعه.....

مستنى

النور

لما يخش

الزنزانه

او يغسل

روحك

م العرق اللازق

فيك

ويدفيك

ويجدد جواك

الامل الميت

ويصحيك

م الكهف

اللى انت نازله.....

جرحك

مفتوح 

على بكره 

مش عارف

تلضم فيه 

او حتى تسده

ب ايه

او ترجع تانى 

لمكان

مبدأت

انت خلاص

اتعلقت.......

طول عمرك

بتحارب

وبقارب

من غير مجداف 

والناف

على كتفك

عمال تسقى 

البور

والنور مبدور 

بره الزنزانه

والسور

والسجن.......

حاول 

من تانى

يمكن ترجع 

لو حتى

بحلم

ويكون فتافيت

علشان متخوف

بيه العفاريت

علشان متخوف

بيه العفاريت........

شعر

اشرف الشناوى

البرامون....المنصوره

(شعوب بتعشق الأمية) - محمد شفيق مرعى 10/11/ 2017

(شعوب بتعشق الأمية)

كيف البقاء فى دنياكم التى 

يعدم فيها القسيس والحاخام 

قانون الإرهاب لن يحكم أمتى 

الجميع يعلم منه براءة الإسلام

الإرهاب مالوش دين

الظلم واقع وبنعيشه

لآ مسيحيين ولآ مسلمين

الإرهاب يلعن ديكه

ياشعوب بتعشق الأمية

والجهل فيها أشكال وألوان

ناس بتبنى البلطجية 

وبتبعد نظر الإنسان

إنت وأنا الضحية 

ودى نهاية الطوفان 

الحرب مهما كانت خفية 

بنواجهها وكلنا إيمان

حرامى طالع من القضية

زومبى على هيئة إنسان

إيه يعنى كام مليون 

رشاوى كانت للاعيان

لما القانون يبيع ضميره

مانلومش ساعتها ع الغلبان

دوله فيها 2 مليون

مواطن جاهل بالقانون

وإلى يفهم بقا مجنون

ناس بتلعب بالمضمون

محمد شفيق مرعى 

10/11/ 2017

أشعار .. محمدعلى النقلى

 

قصيدتي الفائزه بالمركز الأول عن شهر ديسمبر 2016 .. مؤسسة الجبالي للثقافه والفنون

مخنوق يا حلم ..

مخنوق يا حلم جوَّه مني .. بتعافر ويّايا سنين

مع إني ما بحمل ضنّي .. وانا وانت كيف المساجين

بتلومني .. وتقول سجَّان

وبتنسى إني يادوب إنسان

متمطي بخيالُه حصان .. وبيرمح ف الخلا .. مسكين

مخنوق يا حلم جوَّه مني .. مع أني ..

لا بإيدي تكون مسجون

ولا قادر أسيبك مرهون

لرحايا .. زمن مجنون .. لا يهمه حلم .. ولا حالمين

مخنوق يا حلم جوَّه مني .. مع إني ..

انا بدي أجيبلك شمس

تضويلك ضلام الأمس

وتدوِب ف ضباب اليأس .. وتطبب وجعك يا حزين

مخنوق يا حلم جوَّه مني .. مع إني ..

أنا زيك عطشان للضيّ

يروينا كما شربة ميّ

يداوينا .. بس إفضل حيّ .. وماتموتشي جوايا سجين

ماتموتشي .. يا حلم سجين

أشعار .. محمدعلى النقلى

أنا مُش خايف! كلمات عزت عبد العزيز حجازي

 

أنا مُش خايف!

(بمناسبة ثورات الربيع العربي)

أنا مُش خايف من دبابتك ..

ولا من سجنك ..

ولا نيش خايف من طيارتك ..

ولا مين ساندك .. !!

ربك عالم إني مهادن ..

واني مسالم ..

وان انا ثوري مليش في القتل ..!!

ورغم خيانتك .. !!

أمري خلاص ..

فوضتُه لربي ..

يعمل فيه مبدالُه لرأبي ..

ورغم الحزن الكامن فيا ..

برضو النور في نهاية دربي .. !!

إكدب طول الوقت عليا ..

واعمل نفسك واصي عليا ..

دولة ظلمك ساعه ونخلص ..

ودولة عدلي راجعه إليا .. !!

عُمر الشوك مجه نبِت حَب ..

ولا ع الظلم ..

راح يسكُت شعب ..  

مسير الغُمه في يوم تنزاح ..

ونرجع تاني شتايل ورد .. !!

إوعى ترفع إيد على اخوك ..

أو ترميه جوا تابوت ..

يا ثوري ..

ضُم إيدك على إيدي ..

نكمل ثوره يا إما نموت .. !!

عشش فينا آل صهيون ..

بوشوش كالحه تقول مليون ..

خاطفين منا كراسي الحكم ..

ومعتبرينا عبيد بالكوم .. !!

حلنا واحد ومالوش تاني ..

يا إما نطاطي يا إما الواطي ..

يعرف إن الشعب خلاص ..

عُمره تاني ماحيجيب واطي .. !!

يقولوا إرهاب ..

يقولوا كباب ..

يقولوا ثوار ع الأبواب ..

عمر النور منحاش م الضلمه ..

ولا مات عِلم لرب كتاب .. !!

إسجن واسحل واقتل ألف ..

أو مليون واعمل حِلف ..

فاشله سياستك مهما تبان ..

كاسه ودايره علينا بتلف .. !!

أي طاغوت في عالمنا العربي ..

رافض يدي حقوق العربي ..

راجعه لينا كل حقوقنا ..

بعد ما فاق ماردنا العربي ..

وضرب الظلم مليون كف

أنا مُش خايف .. !!!!!

****

كلمات

عزت عبد العزيز حجازي

(الوطن أكبر قضية) - محمد شفيق مرعى

(الوطن أكبر قضية)

فى إرهاب فى اغتيال 

فى خيانة للديانة 

فى نزاع على كل أرض

بدم الشهيد مروية

فى طهارة للبدن 

من نفوس البشريه

أنا فداك يا وطن 

وانت أكبر قضية

لما تبنى بالرصاص 

جيل جديد م البلطجية 

واما تصنع من فولاذ 

النشالين والحرامية 

وتنادى بثورة جياع 

ويبقى وطنك ضحية

مين اللى خان واللى باع

يا عصابة ومحمية 

ف حكومات خيالها شاع

المؤامره والوطنية

يزرعوكم فى البقاع

والأراضى العربيه 

لجل ما يحل الدمار 

والخراب باستمرارية

فى إرهاب فى اغتيال 

فى خيانة للديانة 

فى نزاع على كل أرض

بدم الشهيد مرويه

فى طهاره للبدن 

من نفوس البشريه

أنا فداك يا وطن 

وانت أكبر قضيه

لما يحاولوا يرجموك 

ويطعنوك فى ضهرك 

ويقتلوا امك وابوك 

الإرهاب ضربته خفيه

نفسى أوجه فى العلن 

واخد بتارك يا وطن 

ولادك أسود طول الزمن

أبطال المقاومه الشعبيه 

رؤوسنا فى سماك يا وطن

مش في التراب محنيه

محمد شفيق مرعى

7/11/2016

أضحوكة العالم بقلم/الشاعر خلف محمد أبو عويضه

أضحوكة العالم

بقلم/الشاعر خلف محمد أبو عويضه

نظرت إلى قلمى وكنت مداعبا

هل لك أن تكتب لى حروف من نور

قال القلم فى زهوة متعجبا

ما أنا إلا قلم فى يدى مسحور

أكتب له ما شاء أن يكتبه

واشرح له من قلب كان جسور

يكتب عن الحب أو يكتب عن الهوى

وحتى إذا أراد أن يكتب على الصبور

قلبا تجول بين أنواع البشر

وكتب على حب ضاع فى شهور

ضحكت أنا من وصف القلم 

وضحكت معى كل عذراء خجول

قلت يا قلمى مالك على متحملا

أراك تثقل على قلبى المكسور

قال القلم والدمع منه قد نزل

يا كاتب الحزن فى سطور

يامن أتبعت كل من قرأ حرفك

أنا طوع أمرك أكتب وألف و أدور

أكتب على رجل مات من الضحك

أكتب على رجل على الماء ظل صبور

أكتب عليه وفرح القلب والمقل

أضحك جياع من الماء غرقوا سيول

أكتب على شباب كان برفقته

فى أرض كانت منها يشع النور

وأكتب عن شباب باتوا فى عدم

وأصبح مصيرهم حتما فى جحور

وأكتب عن بنات رقصوا من الفرح

وبكت أعينهم من هول يوم عاشور

وأكتب عن بنات ماتوا من القهر 

على عزيز مات جانب السور

وأكتب عن ظلما أصبح سائدا

من قال لا حتما يموت مقتول

نظرت له والدمع مني منهمر

وقلت يكفى لا تكون مسحور

لقد قلت و أدميت قلوبنا

مالك يا قلمى وقلبى المكسور

أطلت فى جواب حتى انقضى

منك الحبر والمحبور

لطفا بقلب قد تعب من ألم 

ودمعت عيونه من كثر المنشور

قال القلم وقد أطال النظر

من داعب القلم حتما يبات مقهور

..............يقلمى انا/خلف محمد ....................29/10/2016

... البدوي في سينا ... . باللهجة السيناوية (بقلم: مصطفى العيادي)

... البدوي في سينا ...

. باللهجة البدوية

للبشعة .. يروحوها تنين 

والأكادة .. بتبين .. !!

يا روح .. ما بعدك روح 

وللشهادة .. نتزين .. !!

ما نرضى .. لربعك ضيم

والرمضة .. عليكن هين

إقطاط .. تنوص .. !!

محتارة .. تشيلهن وين

أمن .. تنوح .. وتقول 

يا رب هون ..عليهن هون

يا بنت .. قومي .. !!

شتي الخميم .. بالكوز

سفق الحلال .. امبين

مللي الجرار .. لتنين

مي التميلة .. زين ..

بعد ما تيجي .. نتفاول

سوى الفطيرة .. هين

حطي البكارج ع النار

صحي ازلامك .. الأول

لا تهملي الهم .. والضيم

الفرج جاي .. ما يطول

( بقلم: مصطفى العيادي )

البشعة: طاسة تحمى على النار حتى تحمر .. يلحسها المتهم .

الأكادة: تأكيد الإتهام . الضيم: القهر .

الرمضة: الرمال الساخنة ساعة الظهيرة ..

إقطاط: جمع قطة صغيرة .. رمز للأطفال ..

تنوص: تبكي بصوت . شتي الخميم: إجمعي البلح المتساقط على الأرض .. سفق الحلال: ضعف البهائم .

التميلة: نبع مياه الأرض السطحي .

نتفاول: نفطر بأكل خفيف . ازلامك: الرجال والأولاد .