الأثنين : 4/7/2016
الساعه : 5،16 عصرآ
$ سعيد عبد القادر السيد $
* عاميه *
# يسعد قلبك #
قالوا لي يسعد قلبك
قلت أنا إذاي
الدنيا تيجي جنبك
قلت محال يا هناي
هى عكس عكاس
ماشيه كدا وياي
قالوا لي يسعد قلبك
قلت أنا إذاي
إذاي والحزن مالكني
مش عايز مره يسبني
بيقول لي أنه حاببني
يعيش على طول وياي
قالوا لي يسعد قلبك
رديت و قلت إذاي
الفرح يجي عندك
قلت محال يا هناي
كل ما أجي أفرح
يقوم الحزن جاي
بسرعه لحد عندي
عامل عقد معاي
و اليأس ده ملازمني
بيقول لي يالا هاي
قالوا لي يسعد قلبك
قلت أنا إذاي
الهم فوق جبيني
مكتوب مولود معاي
و الدمع جوه عيني
تسيل سيول ببكاي
الحزن بقى نصيبي
إن رحت ولا جاي
قالوا لي يسعد قلبك
قلت أنا إذاي
$$$ كلمات
سعيد عبد القادر السيد
شاعر ال ش و ال ش
الشرابيه و الشرقيه
القاهره / أبو حماد
ليست هناك تعليقات:
إرسال تعليق