مش قادره
*******
يهمس لي بإسمي ما ليّلي ..
غير بس جراءتي تجيني ..
تُصلُب لي في عودي حنيني ..
أنزاغ عن روحي واديني ..
مش عارفه أه مش عارفه ..
موهومه في حُبي وخايفه ..
على باردن نو وكام أسفه ..
مش قادره وربي وديني .. !!
**
يشغلني ببصه جريئه ..
بتنشن بس بريئه ..
بتشِب في قلبي حريقه ..
خلتني في حاله حقيقه ..
حيرانه وحيرتي مناكفه .. !!
**
يلمسني وافز في لخمه ..
وقطايفي تنز اللهفه ..
ودماغي تورّ في لفه ..
واعمل روحي ما نِيش شايفه ..
واحِس بلسع ماليني .. !!
**
ينكُشني بخفه ورقه ..
ويسَّهي في قلبي اللأه ..
وينادي يقول: ليه لأه .. ؟!
أشهق وأعمل لأ.. لأه ..
بصباعي وافر واديني .. !!
**
مش عارفه أه مش عارفه ..
موهومه في حُبي وخايفه ..
على باردن نو وكام أسفه ..
مش قادره وربي وديني .. !!
****
غنائية من كلمات
عزت عب العزيز حجازي
ليست هناك تعليقات:
إرسال تعليق