ليه غاويه الحب
وجرح الحب ملوش علاج
ليه غاويه الجلد عز البرد بالكرباج
ليه تسكنى وادى
عليه من الشوك الف سياج
ليه غاويه الدمع
وحرق الشمع
افضل منه
البعد سراج
ليه غاويه الهم
وهم الحب مالى الجو ضباب و عجاج
ليه غاويه وعارفه نهايته
وادى فى النار بالف سياج
ليه تدخلى نار
ونار الحب ملوش قرار ولا افراج
ليه غاويه تشيلى فى قلبك
وفى الادراج
وبقلمك سطور اخرتها فيها احراج
فيه كام عنتر وكام عبله
و كام قيس وكام ليلى
زاروه قبلك
هموم ووجد كانت ثقلك
واخر السير
هم ثقيل فيه ندمك
ليه غاويه الحب
صحيح فى عذابه سعاده
تحسى انها عباده
وتتحنى ليه ترتشفيه
ولو حتى ده كان ساده
ليه غاويه الحب
طريق محفوف بمخاطر
مفيش فيه شرا خواطر
ويبعد عنه الشاطر
ويدعى الله ميخاطر
ولا يغوص فيه
ليه غاويه الحب
بقلم محمد البلاط
ليست هناك تعليقات:
إرسال تعليق