كله عادى
من زمان مش من الساعه دى
اتجرحنا وانبطحنا
ولليهود كمان ندادى
وكله عادى
الزمن زمن العجايب
الغبى هو اللى حاضر
واللى فاهم عنا غايب
وكله عادى وفى المعادى
شوفت شاب عض كلب
شوفت ناس تحكم فى ناس
بالرصاص عافيه وغصب
شوفت قاتل بنفسه شايل
القتيل وعمال يهاتى
شوفت حتى العدل باطل
شوفت شبعان كرشه ناشف
شوفت جيل من غلبه عاطل
شوفت فيكى اللى يهينك
يتعمله الف خاطر
واللى يمسحلك جبينك
يتعدم وافتكرى خاطر
كله عادى يا بلد
رفعت زعازيع القصب
وعملت من الثرو الحطب
وبايعه شريان الحياه
وللكرامه مفيش غضب
فيها الولد بقى ست بيت
بينتظر ويقول يا ريت
يجى النصيب واتسند
وتختارنى واحده واتخطب
من زمان مش من الساعه دى
الزمن زمن العجايب
الغبى هو اللى حاضر
واللى فاهم عنا غايب
وكله عادى يا بلد
بقلم محمد البلاط
ليست هناك تعليقات:
إرسال تعليق