(((ذكرى))) قصيده غنائية
نفس المكان زى ما كان
بس الزمان اللى اختلف
وألف مره حلفتلى
هنعيش سوى
ونقضى احلى أيام الهوى
وبنتلى ياما قصور أمان
معاك كتير عيشتنى
فوق الخيال
واخدتنى لأبعد سما
ويا النجوم ويا القمر
فوق السحاب
وقلبى معاك فى الحب
داب
وكلمه حلوه قلتها
حسستنى معنى الشباب
ونسيت معاك كلمه عذاب
فرشت قلبك قدام طريقى
جميل حقيقى
نور القمر وإنت رفيقى
وحتى ليلى دا كان صديقى
لو مره كنتى تغيبى عنى
يبعتلى نسمه تبل ريقى
ويدارى عنى
عشان عوازلى
متحسنيش
وهم روحى ودق قلبى
ويشوفوا ضيقى
يا للى إنت ساكن لسه
ف قلبى تعالى جنبى
نعيشها تانى
دا العمر كله مايساوى
عندى إلا الثوانى
والعمر إيه غير لحظه
حلوه
تعيشها روحك وبعد مده
راح تبقى ذكرى
تسمعها غنوه ف احلى بكره
سعيد عباس الضو
28 أبريل 2017
ليست هناك تعليقات:
إرسال تعليق