سألوني..... عزت عبد العزيز حجازي

سألوني عن سِر حُبَك ..

سألوني عن هَواك ..

عن إيه خلاني احبَك ..

والفرح اللي في لقاك .. !!

سألوني كتير يا عُمري ..

سألوني كتير يا قمري ..

سألوني عن ملاك .. !

عن إيه خلاني اقولَك ..

يا حبيبي في يوم لُقاك ..

ولا شِئ غواني احبك .

ولا شئ حلالي قربك ..

ولا شئ قواني اقولك .

غير بس حنين نِداك .. !!

والحلم اللي في خيالي ..

واللهفه اللي في حناني ..

والشئ اللي في بالي ..

والورد اللي في روباك ..

علمني اشتاق واغني ..

يا حبيبي يا حِتَه مني ..

واشبُكني في ليل هَنَاك .. !!

من يومي أحلامي خضره ..

نتلاقي في جنَه واصله ..

للنجم اللي في سَماك ..

سألوني .. !!!!

****

غنائيه عامية من كلمات

عزت عبد العزيز حجازي