انسان
شوية ورق
كل الحكايه شوية ورق متبعترين على كل جنب
مزينين على الحيطان
ولما تيجى تشتكى بعلو صوت يقولها ليك شد الحزام
واصبر وكافح
لحد امتى افضل اجمع فى الورق
لحد امتى اكتبنى حتى فى الاعتبار مش كل البشر ايوب
دقيقه حداد على الجيل اللى راح واللى فات واللى جاى
كل واحد منا عايش بنص مات والنص التانى شبه حى
حتى البنات نزعوا منها كلمة امل
مفيش اصلا ليكم عمل مش لمه نشغل الولاد
واول ما تخطى ال 30 الشامتين يجمعون
والكلام يكتر عليها عارفه فـ سنك جبت الولد
وجوزونى فى العشرين
احنا الشباب رغم كل القسوة دى جوانه رحمه ومفهوميه
يجوز علينا الف رحمه اه يجوز
رغم طيبتى وصغر سنى ليه بحس انى عجوز
شكلى شاب ولسه سنى ماجبش حته العشرينات
حاسس ان الكل اعمى ولا حد شايف الا انا
اوقات بحس انى جدع مع ان جوايا وجع
لايحس بيها الا انا
جوايا حلم جوايا خير جوايا قوه
يرجع يقولى (لا) ارجع واقول (حاضر)
صبرك بيوجعنى طب ليه ترجعنى
لنقطه المبتدأ
كسرت جوايا الف حلم وعمرى اللى راح فى الفاضى
ارجع بردو للمشتكى
يقولى اصبر انت جيل متسرعين شد الحزام
لحد امته اشد الحزام اكيد نسيت انى ... انسان
اسلام عاشور ...
ليست هناك تعليقات:
إرسال تعليق