((ولاد الديابه ))
شفت الواد وش الشقى
لابس جلابية مبهوقه
وشال أبوه
أصل إخواته سيبوه
ميراثه كلو
واتلموا على ذلو
طلع المحامى ابن حرام
ادى البنات اللجام
والواد قطة مغمضه
لقمه طرية مقرقضه
مش محتاجه مضمضه
وسهل البلع خلعوه خلع
مفيش حد عنه يرد
ولامال أبوه هيعد
وهو من همه
ورميه كمان أمه
وتعبها ومرضها
وكمان قله زاده
ياريت ما خلفت
ولا يوم أسلفت
وجمعت والفت
كانت تقول القرش الأبيض
وزمنها اتحول
والديب اتغول
ما يوم قييل
قلب وبقى ليل
من شده الويل
ساب الميراث
وقال بإخلاص
مش عايز خلاص
غير هدمه ابويا
والشال وياها
وداركم أنساها
أمه بصوت مخنوق
وقلبها المحروق
هتسيب كل الحقوق
وطى على ايدها
دموعه في عينيها
وبعافيه خلاها
ومرضها سواها
مسكت جلابية أبوه
روح ياضنايا
انشالله تملاها
ع الدنيا وعاميلها
واللى يراعيلها
وايامها السوده
وشمسها العوجة
معقوله دا دم
ناس بتاكل بعضها
صديد بيجرى ف دمها
خفاش يحب ضلام
ضلام يطلع فاش
ناس تموت ف الماس
وماس هيحرق ناس
سعيد عباس الضو
ليست هناك تعليقات:
إرسال تعليق