(( عتاب ))
عنيك فى عنيه ياللى عنيكى جارحنى
راضى ومتحمل وأقول ف يوم هتحنى
من كتر خوفى عليكى بقو الناس كارهنى
فكرت ياما اسيبك وادور على وليف تانى
لقيت القلب والروح ماشيوا وراحو فايتنى
ومن غيرحبك الجسد ما يساوى شى
دى طالعه محياكى كات للعيون الضى
ولو هلف الكون ما لاقى زيك زى
يا تؤام الروح وللجروح دوا وعلاج
ياتاج ع الراس قلبى انكوى بك كيى
حبك للقلب كما الدم ف العروق يجرى
نورك كالشمس في الكون اهى بتسرى
بعدك عليا كما الموت وإنت ماتدرى
إيه فايدة الجسد ما دام بلا روح
حبك يا غاليه خلاص بقى قدرى
سالت دموع العين على خدى بحور
حالف مافتح عينيا واشوف النور
إلا ومعاكى يا أجمل بنات الحور
إنت الحنان والهنا والرضا للنفس
ولو مكنتى هنا تبقى بيوتنا قبور
عشمان فى وجه الله يرجعك ليا
ويعمر حياتى رضا بوجودك يا حوريا
وهو عالم إن قلبى مليان ليكى حنيا
يهديكى ليا ويملى حياتنا سرور
وليه ألف وادور ماهونتى النور لعنيا
سعيد عباس الضو
الأحد 4 يونيو 2017
ليست هناك تعليقات:
إرسال تعليق