الدنيا فرقتنا بعدتنا عن حبايبنا تباعدنازمانا مارحمتنا صرنا كل واحد بديره مانعرف عن بعضنا شي يلي اتفقد يلي مات ويلي تشرد تشردنا وصرنا ببلاد غريبه قسيت البشر علينا وصاروا يتحكموا فينا الشارع صار فرشتنا وغطانا هو هدمتنا اه ماامر عيشتنا وين كنا ووين صرنا كنا عايشين باامان حاسين بلحب والحنان نلعب مع ولاد الجيران نركض بلستاتين مثل الفراشات مزينين بااجمل الالوان صرخاتنا تعبي الحيطان ضحاكتنا تنسمع عبعد أميال اه مااجمل هذيك الايام كانت الناس تحب بعضها وتساعدبعضها هسه شو غير الألم والتعثير مافي اشتغلنا بكل شي محدارحمنا قسيوا علينا الوحوش البريه ضعنا بعالم غريب غير عالمنا تهنا ببلاد موبلادنا يااه مااجمل ترابك يا وطني اللقمه فيك شوهنيه اخ يازمن شوعملت فينا ضيعت كل غوالينا تهنا وتاهت اراضينا بقلمي هويدا الناصر
ليست هناك تعليقات:
إرسال تعليق