(رباعيات)
ــــــــــــــــــــــــــــــــــــــــــــ
الأصيل والخسيس من فعله معـــروف
وأذا صحبـك مايفيـــدك اركنه ع الرفوف
انا كان ليــا خل خلى بيا ياأبو الخـــال
اوعاك تعاشر اندال بينكرو المعـــروف
عجبى!!!!
ــــــــــــــــــــــــــــــــــــــــــ
عجبى على الدنيا كالميزان بترفع الناقصين
واللى تحسبه اصلى تلقيه صنع فى الصين
وكتــر الغدر فى البشر والحب كان زمـان
واللى تعطيهم امان تلقيهم فى دمك مصين
عجبى!!!!!
ــــــــــــــــــــــــــــــــــــــــــ
اكتب وقول يا قلم على يدور فى راسى
ليه سفـاين الفرح ما ليهــا عندنا مراسى
وليه سفــاين الحزن تجى عندنا وتجمــع
صحيح العين م تدمع لاكن الوجع راسى
عجبى!!!!!!
ــــــــــــــــــــــــــــــــــــــــــ
يـــوم كتب القلم يامـــا كلام
عن الاوجـاع والهمـوم والالام
الوصف خلى العيون بكـــت
وفجأه سكت وقالى ســـلام
عجبى!!!!!
ــــــــــــــــــــــــــــــــــــــــــ
عن سوريا....
يوم لقيت غزاله وفى يدها ولدها
الحزن باين فى عنيها ومسيبا بلدها
قلتلها مالك ليه تاركه وسايبه المكان
قالت فى اسد فجعان ضربها وجلدها
عجبى!!!!
ــــــــــــــــــــــــــــــــــــــــــ
سفرت بلد وتنين وتلاته وعشره وميه
شوفت بيضه وسمره وشقره وخمريه
مـا فى غير اللى حبتهـا وملت العين
قلتلها انتـى منين؟قالت لى صعيديه
عجبى!!!!!
ــــــــــــــــــــــــــــــــــــــــــ
بلادى هى دويا وعلاجى
مهما غبت برضه هاجى
دا من البعد حزنت العين
قالوا منين؟قلت سوهاجى
عجبى!!!
ـــــــــــــــــــــــــــــــــــــــــ
انا حالى تعبان لا سأل بعيد ولا قريب
وحسس بوجع واكشف عليا يا طبيب
قالى :يابنى مستحيل تكون معلول
روح علطول شفاك فى لمسة حبيب
عجبى!!!!
ــــــــــــــــــــــــــــــــــــــــ
تعالى ياطبيب شوف قلبى مالو
وخد ما جمعت فى زمانى وماله
قالى:يابنى مستحيل تكون معلول
روح علطول شفاك للى قلبك مال له
عجبى!!!!!
ـــــــــــــــــــــــــــــــــــــــ
أه يا زمـــن بلتنــى بالخسيس والدانى
لا فرح جانـــا والحزن علطـــول ودانى
ولا شفنـا هنــا ولا سعد حتى فى يوم
ومن الهمـوم لا شايف ولا سامعه ودانى
عجبى!!!!
ــــــــــــــــــــــــــــــــــــــ
ليه يا زمن ديمـا علينــا جانى
تجيب الحزن والفرح ما جانى
ولا شفنا مره الزهر لعب لينا
ومن حظنا زرعنا زرع ما جانى
عجبى!!!!
ــــــــــــــــــــــــــــــــــــــ
عجبى عليك يازمن عجبى عليك يازمن
لا طيلين بلح الشام ولاحتى عنب اليمن
ديما بوشين وكل اللى فيك اصبح زيف
حطيت ع النضيف وعملت للمعفن تمن
عجبى!!!!!
ــــــــــــــــــــــــــــــــــــــ
عجبى على غـابه جميلــه اصبحت دمار
كترت فيهـا الديـــابه وقطعو الاشجار
سألت فين راح الاسد؟ليه تركها وسبها؟
قالولى مات اسدها واللى حكمها حمار
عجبى!!!!!
ــــــــــــــــــــــــــــــــــــــ
سحرتينى كيف بعنيكى اللى بتلمع
واللى يعشقها مستحيل يخليها تدمع
وانتى الوحيده اللى مال قلبى لقلبك
يابنتى حبك نار فى القلب.... بتولع
عجبى!!!!
ـــــــــــــــــــــــــــــــــــــ
قالت...
كفايه ما ينوبك غير وجع راسك
ياما كتير بدلونى مثل احساسك
بنظره منى راحو فى شربة ميه
وابعد عن عنيا تضيع تزعل ناسك
عجبى!!!!!
بقلم /محمد ابوهاشم
ليست هناك تعليقات:
إرسال تعليق