عصافير الجنه اتلمت حوالينا
إحنا فرحنا وبوسنا أيدينا
وقولنالها ياريتك من مده جيتينا
ولا إنت
مبتجيش في الشتوايا
لما البرد يهز غطايا
وزبيده تولع قلاحيا
أصل لحافنا يدوب
مدارينا
عصافير الجنه
غمزتلى بعيونها
الناس بتفكر مش
نايمة على ودانها
لحرب ف سوريا
وبكره علينا
عصافير الجنة
قالت مابجيش
عند الناس
اللى حداهم جيش
بس ياعينى
عليه وعلينا
عصافير الجنه
قالت ياشباب
أنا مش دايقه
طعم الزاد
إلا ما ابنى الجندى
يدق الباب
ويقولى عملنا وسوينا
حطمنا الأسطورة الكبرى
أمريكا ومعاها أوربا
واخدنا تايلاند وقبرص
ودخلنا القدس وصلينا
عصافير الجنة
حلفت بالمولى
الخوف من ربك أولى
مش ناس بتحارب ديننا
وعماله تجهيز ف النووى
والتفتيش دايما بس علينا
عصافير الجنة
راحت ولا جتشى
قلت افتش مره ف نفسى
لقيت العيب فوقنا وتحتينا
سعيد عباس الضو
ليست هناك تعليقات:
إرسال تعليق