سيادة
الرئيس
انا من هنا
مش من هناك
سيادتك
فاكرنى
انا م اللى سجدوا
بعد البيان
يظهر نسيتنى
فى زحمة زمان
تصدق سيادتك
نفسى احس
بساعة امان
سنين والطاحونه
بتفرم ابونا
وحاسس كانى
بقيت بغبغان
اقلد غراب
اردد ادان
واقول بكره
يجى
معاه ابتسامه
يطلع شيطان
سيادة الرئيس
انا من هنا
مش من هناك
سيادتك ناوى
تحضر عزايا
هاوصيك وصيه
خليك معايا
احلام عيالى
شئ مش خيالى
ياريتك بدالى
تخاف بكره
يطلع
لياخدك ويبلع
بقيت الامانى
سيادتك بطاطى
واخاف تتهمنى
بتهمة تعاطى
سنين حلم
شايله
داب تحت باطى
داب م العرق
اصله سيادتك
كان حلم ورق
هصدع دماغك
يحرق ابويا
هوا انت ناقص
كفايه القلق
وربك خلق
ناس تتسرق
وناس تندلق
وناس فى السعاده
منذ العلق
وناس ربك خلقها
عشان تتحرق
متشغلش بالك
متشغلش بالك
هوا انت يعنى
ناقص قلق.......
شعر
اشرف الشناوى
البرامون
ليست هناك تعليقات:
إرسال تعليق