أنا صوت جريح
ماشى بعكس الريح
أنده بعلو الصوت
أزعق أنادى ف موت
يرجع لى صدى السكوت
يطن ف ودانى
صوت الألم مدبوح
خارجه معاه الروح
وحروفى تعبانى
أصعب ألم يوجع
لو صوتك فضل يرجع
ومحدش إليك يسمع
وانت بتعانى
حبيت غزال شارد
على قلبى كان فارد
وعاملنى أنا القمقم
دلوقتى صبح مارد
متعافى وأنانى
معرفشى إيه ذنبى
وإيه عمل قلبى
ترميه ورا ضهرك
وأنا ومن غلبى
مكتوب لى أدوق قهرك
واسهر واتألم
وياريتنى بتعلم
قدرى ومكتوبى
عشقى بلون تانى
مش شكل انسانى
دا زرع ربانى
هو هداه ليا
ليست هناك تعليقات:
إرسال تعليق