قلبي في اديكي! عزت عبد العزيز حجازي

بريئه كُنتي ..

دلوقتي بنتي ..

ديناميت وبنادق تار .. !!

حرام عليكي ..

قلبي في اديكي ..

يصبَح باروده وخندق نار .. !!

أسير هواكي ..

سجين قساكي ..

سبيل هلاكي في ويّل جبار .. !!

كان إيه غاصبني ..

إيه اللي صابني ..

شَبَك وصَادني ..

بلَّعني طُعمِك  والسِّنار .. ؟!

كان إيه غاصبني ..

إيه اللي صابني ..

محسمش أمري ..

واحبس حنيني ليل ويا نهار .. ؟!

آه يا ناري منك ..

من صُغر سنك ..

واللا لآنك تلج ف نار .. ؟!

آه يا ناري منك ..

من صُغر سنك ..

والا لآنك سيف بتار .. ؟!!