الجواز العرفى
************
جاتنى تبكى
وتقول حكايتها
وف عنيها دموع احزان
اصله قطع ورقتها
بعد ماهان كرامتها
وسقاها م المر الوان
ف الاخر طلع جبان
كانت فاكره جوازتها العرفيه
اماااااان ....
وخدعها بكلمات الحنيه
ورسم الحياه ورديه
افتكرته .... انسان
ياترى ايه فاضل كمان ؟
بعد الذل ده والهوان
ده الجواز عمره ماكان
حته ورقه مع كلمه باللسان
زى السرقه ف كتمان
ووهبت نفسى لفلان
مهما كان دى نزوة شيطان
لما الجواز يبقى شرعى
ح يكون مأمون..
مضمون ... بمآذون
حسب القانون
مطلوب عقد قرآن
قدامه شهود اعيان
ف وجود اهل وخلان
ورقه مسجل ف محكمه
تنظر ف اى مظلمه
وان جه فراق ....
وحصل طلاق ...
حق العيال والزوجه محفوظ
من غير بلطجه ولا حتى نفوذ
ولا دموع لحد يشكى ويبكى
جاتنى تبكى ....
*********************
هذه القصيده للشاعر...
مصطفى عبد المنعم
من ديوان (حلم عمرى)
ليست هناك تعليقات:
إرسال تعليق