يا للي بعيوني الدبلانين
شايفك ملك
ايه غيرك
ايه زعلك
ايه اللي خلي دمعتك
فوق الخدود
تبني السدود
بينك وبين
قلبي اللي عاش يستنظرك
ايه خلي شمعك ينطفي
قبل الأوان
وتموت بقايا ضحتك
تحت الزمان
ايه كان جري
لجل ما تقلع هدمتك
وتفوت ايديك الصولجان
يا هل ترى
مين اللي خان ؟؟؟؟
مين اللي حابس فرحتك
خلف البيبان
والحزن ليه لون طرحتك
فين الأمان
ما تر د قول
ايه أخرك
قطر الحياه عدا عليك
وللا عليك عدا الألم
لحظه فرار نظرة عينيك
خلف الضمير اللي انعدم
ماترد قول
فين الأصول ؟؟؟
يا ابن الأصول
فين القرايب والخدم
ليه الندم
وليه تعيش وحدك حزين
داخل حدود اليأس
وحيطان مهجرك
نفسي أسألك
ايه اللي غير مبدأك
ومشوقك
تسمع أنين دمع الغلابه
اللي ابتدى
ينزف وجع
انا بسألك
ايه اللي أخر حلمنا
عن موكبه
مين اللي فرق شملنا
وبدمنا
لون... بقايا مركبه
فووووق يا جدع
قبل ما العهد اللي بينا
ينقضي
وتتوأدن فينا الثقه
ويلقبوك انك أمير
زمن المصايب والخدع
وتكون يادوب جوه القلوب
نقطه سواد
بتكمل الخط اللي كان
رسمه أمير.... قبلك هلك
فووووق يا جدع
ماتدرش تاني في الفلك
لسه العيون الدبلانين
شيفاك..... ملك
**********************
رضا ابو الغيط
ليست هناك تعليقات:
إرسال تعليق