..متغربين...
متغربين وانت ما بتتغربيش...
يا ساكنة جوانا وجواكي
مش عارفين نعيش...
يا مصر شيليني همك...
مش عاوز غير اضمك...
دانتي امي...
انتي الدم الي بيجري في دمي...
يا شايلة همي..
انا برضو شايل همك..
عاوز ارجع ليكي
وانسى الغربة...
احن عليكي
وابوس التربة...
يا امي احنا في كربة...
عايشين ومش عايشين
نجري شمال ونجري يمين...
بقينا بنعد اﻷيام
لما حتفوت السنين...
بعيد عنك الحياة صعبة...
ما فيهاش حاجة ما فيش...
متغربين وانتي ما بتتغربيش...
مشتاق يا امي لشربة مي من نيلك...
لا عرفت ابعد عنك ولا عرفت من قلبي اشيلك...
وكل ما يطل المسا امسح دموعي بمنديلك...
وقول لازم يجي يوم اللقا واجيلك...
...محمد غادر...
ليست هناك تعليقات:
إرسال تعليق