قصيدة / ( احضن وجعها )
بقلم / هدى سيد
٢٠١٦/٦/١٣
خلى وجعها جوه حضنك
ينكسر
اوعى تسيب دموع عنيها
تنهمر
فتحت كفوفك سلمت لك
قلبها
حلمت معاك تعيش الجاى من
عمرها
خفف الامها لا تكون عليها
كون لها
طييب خاطرها كون سندها
و عشقها
مد الايدين وامسح دموع على
خدها
عيش اللى فاضل من حياتك
جنبها
اوعاك ف يوم تبعد بعيد عن
دربها
ضمها خليها تنسى كل تعبها
وحزنها
كون الطبيب اللى يعالج جرحها
وكسرها
مد الايدين واحضن بكفك
كفها
وامسح بلمسة من خدودك
شعرها
بكلمة حلوة وبحنان قلبك يطمن
قلبها
لبسها تاج خليها ملكة وانت كون
راعى لها
ساعتها بس هتفوز وتكسب قلبها
وعشقها
ليست هناك تعليقات:
إرسال تعليق