حقوق النشر محفوظة
العيد فرحة
-----------؛
ببيع الفرحة وده حالى
وملقتش حد يبيعهالى
وأن باعها يقوللى بكام
وأنا .... كل راسمالى
بسمة عيون أيتام
ومنى أعود لعيالى
بعيش يكفى أفواههم
وعيدية حلوة تفرحهم
وأن ملقتش اشترى فرحة
ابيعها وشجرة أمل طارحة
يكون عيدهم هو ده عيدى
تروح الاهة ف تجاعيدى
وأنا ادعيلهم ويدعولى
وبفرحة عيد يباركولى
والفرحة ف السما طايرة
تناجى رب الوجود حايرة
يا ترى فرحتى ببيع الفرحة
ولا بضحكة برئ ناضحة
وبشرة بأمل بكرة
يقوللى بكرة جاى احلى
ولسة باقى ف الرحلة
ايام حلوة تحلالى
ويهنالى رجوعى لعيالى
---------؛
بقلم / عادل شعبان
ليست هناك تعليقات:
إرسال تعليق