أنا
إيدي حست ألم
لما مسكت القلم أكتب عالورق أسمك
والريشة بدل اللون لقيتها في دواية
حبر بترسم عاللوحة صورتك
إيه اللي جري
مأنا كنت زمان قبل ماأمسك قلم
ألقا أسماء مكتوبة
والصورة من غير ريشة القاها
مرسومة
جايز يكون السبب صوت ثومة
عالبعد أنا سمعاه
من قلب شجرة مر بلعت أنا كلامها
الصوت كان بيمر جوايا زي الشوك
قالت( أكاد أشك) صرخ الشك جوايا
حقيقة أنا عشتها مش كلام سمعاه
والصورة أنا شفتها وهي كانت وياه
إيدها في حضن إيديه
وعينيها كانت نايمة جوا عينيه
وسمعته بيقولها كلام ليه في يوم أتقال
ايام أنا عشتها وهم وزيف وخيال
سمعت ثومه كانت بتقول
( يقول الناس أنك خنت عهدي ولم تحفظ
هوايا ولم تصني)
دا كان حالي وياك مش كلام اتقال
مش هأسألك سؤال ثومه( خنت أم تخني)
دي حكايتي
مع إنسان للخيانة مثال....
ليست هناك تعليقات:
إرسال تعليق