الشهيد
بقلم السيد ابوطاحون
*********
الى الشهيد محمد الجندى
وكل شهداء الامة
-------------------------------
مقدمه
-----
يا فرحة الشهدا
بيموتوا فى ترابك
يا خيبة الخونه
من كتر احبابك
--------------------------------القصيده -----------------------------
انت اللى عايش
واحنا و لا نسوى
و انت الجميل
اللى هدالضلمه بالبسمه
شكلتنا بدمك قلوب رسمه
و كان هواك الهنا و العدل و النسمه
والقسمه انت الخلود --
والخنسا مبتسمه
شربت دموعها وقامت
بالمسك
على الرجاله و النسوه
شربت دموعها و قالت
كملوا الرسمه
---------------------------------
طال المطال يا شهيد
طال المطا ل يا شهيد
هز السكات البليد
وانت فى قلب الخلود
اجمع حبايبك و عيد
الكره -- و مش بعيد
الفكره تطرح وليد
و العيد نشوفوا سعيد
--------------------------------
طال المطال يا شهيد
و انت فى حسنك وحيد
سافرت دموع الحبايب
واحنا --- مش انت اللى غايب
غيب غباء اللى حاضر
وانت اللى فى القلب دايب
زرعك فى كل الجنينه
مادد ايديه ---- بينادينا
جوه الكفور و المدينه
و ردك بيصبح علينا
صحصح قلوبنا و عنينا
بيمدنا نالسكينه
ويصحى اجمل ما فينا
ويصحى فينا الموات
-------------------------------
طال المطال يا شهيد
و انت فى حسنك فريد
عصفور فى ضى القمر
مستنى شموسه
سبل عنيه للقمر
و قاله هات بوسه
خدو فى حضنه القمر
و قاله حدوته
-------------------------------
ليست هناك تعليقات:
إرسال تعليق