ف عز صمت الألم
جانى شعاع م نور
اخدنى لأبعد سما
ويا القمر بندور
حسيت اصبنى صمم
معرفش إيه الدور
ومن مهابه القمر
جانى زهول وغرور
ضغط على ايدى برفق
المعنى خليك وقور
ومشانى معاه
بين النجوم
بيتلفت وراه
لاقنى معجب بنجمه
واخدنى منظرها
وتهت ف أسرارها
ضغط على راسى
نزلنى في عمق البحر
ولما سألته ليه
قاللى يابيه
الحظ بيجى مرة
واللى مايحافظشى عليه
لازم يترمى بره
رديت بكل بجاحه
وقلتله طيب بالراحة
أنا شفت الناس صراحه
بيجيلها الحظ ميت مرة
قاللى ياجاهل إنت فاهم
الحكاية ايه
مش تمثيل وأفلام
ولا كلام إعلام
دا صلب إسلام
ربك لما بيغضب ع العبد
يرزقه من حرام
ولما يشتد الغضب
يقوم يباركله فيه
وإنت ياغلبان
من أول نجمة
انخدع قلبك
امال لو القمر بان
ولا شعاع الشمس
غزلك من الخيوط حله
كنت بالبشر هتتسلى
وتمسك لكل واحد زله
وتخليه على النار يتقله
وهى دى العله وع الله
تستفيد م الدرس
سعيد عباس الضو
ليست هناك تعليقات:
إرسال تعليق