صايم والأكل قصاد عينى
بيزود وجعى وأنينى
والمدفع مش عايز يضرب
والعقل راخر راح يخرب
طب أعمل وأنا اصلى جعان
ووجود الأكل عاملى جنان
والمدفع قاعد يتدلع
والفوله على مناخيرى تولع
اتنحرر يلا ياسى مدفع
لو عايز مال راح أدفع
بس أنطق الله يهديك
وادبحلك فرخه أو ديك
المعده بتفرك على الفاضى
وسعادتك متنك ولا راضى
اعملك زفه وبتار
واجيبلك لحمه وخضار
عيالى قاعدة بتتألم
وأنا راخر ساكت ومبلم
ومراتى ماسكه الكبايه
وبتقرا في آخر آيه
وعشانك ربى صبرى
وطمعان إنه يؤجورنى
الشاعر سعيد عباس الضو
ليست هناك تعليقات:
إرسال تعليق