أنا ابن مصر ومصر
تاج على راسى
أقولها بعلو الصوت
اوصلها للملكوت
لو صوتى كان مخنوق
راح انقشه في كراسى
دى هيه دمى فى العروق
مولوده ف إحساسى
يا تاج راسى ونبرانسى
يا ست الكل ياغاليه
راح تفضلى عاليه
واللى يعاديك
ادوسه بمداسى
هيا البداية وهيا
المنتهى
ولا قدها ولا زيها
ومين يضاهي حسنها
فى بلاد الكون دى كلها
ولا لحظه عنها قلبى سها
والروح ماتكفى فدا لها
لو عينى نامت ما أنا
كنت برضه بحلم بها
دا اسمها هو اساسى
ومحلمشى ليه
وفيها إيه الأحلام
أجمل منها
وعيونى حالفه
ماتشوف منام
وايدى عازفه
عن السلام
ولسانى بطل
يقول كلام
وعقلى كمان
مسح العلام
وجوم قالولى
ازاى ياخاين
تسهر أمك
وإنت تنام
حلفت بأمى
وميت يمين
وسنين حياتى
اللى جايين
عينى ما ترمش
وعينها هيا فيها أنين
وأعيش حزين
لو مسوا شالها
دى هيا فرحى وهيا جرحى
وهيا غيطى وهيا بيتى
وهيا بنتى وهيا ستى
وهى اخويا وهى ابويا
وهى ابنى اللى عجابنى
والله بزعل لو حد غيرى
سبق وقام داعلها
تبقى أنانى لو بعد
أمك تحب تانى
الشاعر سعيد عباس الضو
ليست هناك تعليقات:
إرسال تعليق