((وحده وطن))
لو فكرت اكتب اى حاجه
اكتب إيه
وكل حاجه فى
البلدى بالفلوس
والشيء الوحيد الرخيص
ومفيش إقبال عليه
هو ابن آدم
اللى أصبح عايش
كابوس
شكله عبوس
بين التروس مهروس
مشنوق في دوامة الحياه
مكتوب عليه الشقى
ممنوع يقول الآااااااه
متعلق في حلزونه
معصوبه عنيه
جلاد ورااااااااااااااه
وبين هموم الوطن
وبين هموم الدار
عمال يطن ومحتار
ماهو الوطن وطنه
والدار كمان داره
بيخاف على جاره
وكاتم في القليب ناره
لايوم فكر في الخيانه
ولا ف مره اهآااانه
وكل اللى جاااااااله
متهوم تملى معااااااه
ياريتهم قبل مايسبوك
يجوا يشوفوا الحال
ومعاملة مع بعضهم
تملى عال العال
لو وقع واحد منهم
تلقاه فى لحظه اتشال
ولو مال على جاره
عمره ما رد سؤال
صدق اللى قال
من حالك اعذر أخوك
سعيد عباس الضو
ليست هناك تعليقات:
إرسال تعليق