يوسف ونيس مجلع – ايطاليا بريشيا
اصدقائى الاحباء من سلسلة الكلمات الخفيفة للشعر الغنائى كلمة بالعامية بعنوان --- يا قلبك
يا قلبك العجيب الخالى ------------ لا لك حبيب ولا غالى
حبك حياة بالنسبالى ---------------- وقلبك هواه التسالى
غنيتك امل موالى -------------------- و اديتك كل غالى
وايه من عندك جالى ----------- غيرعندك وانشغال بالى
---------------------------------------------------------------
ياما عيون طلة يمك --------------- املها تنول طلة منك
و قلوب ضناها ضنك ------------ وانت ياقلبك ولا همك
و انا قلبى بشدة دقلك ---------------- فى كل دقة اتوسلك
بحنان و رقة تقدملك -------------- وتقول له لائة ياقلبك
---------------------------------------------------------------
تسرح بيا بكلام ----------------------- يسرح فيا الغرام
اسرح ويا الاحلام -------------------- طاير زى الحمام
وافرح فرح ياسلام ------------------ ويا قلبك قوام قوام
يصحينى ما يقول حرام ----------- الاقينى حاضن اوهام
---------------------------------------------------------------
ترسم واه يانى من رسمك ---- تهمس والقانى اسير همسك
احسك مقاسمنى فى حسك --- وعشقك فى حضنى مقاسمك
القا عنيا سرحانة فى حسنك ----- وهنا ايديا فرحانة بلمسك
قلبك يرجع بقسوته يتمسك ----- وقلبى يودع نشوته بانسك
---------------------------------------------------------------
تهاودنى وتلف عليا ---------------- ياخدنى شغف امانيا
يطوف و يهيم بيا ------------------ واشوف النعيم بعنيا
تجود بثوانى هنية ------------------ وتعود تانى الاسية
واتمناك تتحول ليا --------------- واستناك ولا تسال فيا
--------------------------------------------------------------
بتغنى عليا وبتخيل ------------ وتوهنى فى دنيا مواويل
وتقنعنى بالف دليل ---------------- غزلك دا مش تمثيل
وقلبى العشمان يميل ----------- لحنانك عطشان ياجميل
لكن قلبك ماله خليل -------------- وعطفك بحنانه بخيل
--------------------------------------------------------------
احلف بحبك وغلاوته -------- السحر فى غزلك صدقته
اتهيالى من قلبك قلته ----------- وراقلى منك و عشقته
نورلى املى اللى حلمته --------- فسرلى حلمى وحلاوته
واتاري عمرك ما قصدته -------- والجانى قلبك بقساوته
بقلم يوسف ونيس مجلع
ليست هناك تعليقات:
إرسال تعليق