(صورة من جوة الصندوق)
_______******_______
تعالا قرب وشوف ياذوق
صورة من جوة الصندوق
ما تقولشي دة شيئ غريب
دنيا في تفانينها زي المجاذيب
سرقوك وباعولك يا نصيب
ممكن تصيب واكيد تخيب
الحظ لية شكل عجيب
جوة الصندوق تعالا شوف
الحسنة بعشرة امثالها
والفولة وليها كيالها
والدبة بتقتل في عيالها
ونقول دا نصيب
الدنيا ساقية وبتدور اعاجيب
جوة الصندوق تعالا وشوف
اتصور جبينا سعادة البية
والحاشية الحلوة حوالية
والكاميرات والاذاعات ماعرفش لية
اذاعوابيان من اجل الانسان
اتبرعوا لحقوق الغلبان
ويا محسن علي كل جعان
اخوكم الفقري النعسان
منبوذ في الكون عريان
لمو الكاميرات خلص البيان
خدو كل شيئ وسابوة مدان
سرقوا منة حتي الاحسان
والحسنةبعشرة امثالها
دا نهاية البيان
وليد ابو السعود
ليست هناك تعليقات:
إرسال تعليق