(( انتظار))
جفت نداوة الحسن اللى
ف عيون الصبايا الملاح
والورود اللى كات ع الخدود
اهو دبلانين حتى
ف بدايه الصباح
والضحكه مخنوقه
رغم المزاح
والبريق اللى كان
يفتح مليون طريق
والله راح
ياللى كنتى
بالنسبه ليا
كتاب غرام
والقلب فيكى
ميت مره هام
والعبير اللى
شفايفك عمره منام
حتى ف الأحلام
كان لقلبى
بستان حنان
واحة براح
اهو برضه راح
والنهارده
سايبه قلبى
ف بحر حيرة
امواجه نار
وشطوطه غيره
ودموع حيارى لنبض قلبى
تكون سفيرة
وذكرى غالية لكل ثانية
ف عمر اللى راح
مبقاش مباح
ولا متاح
ولسه قلبى
على عهده باقى
مستنى تانى
لحظه تلاقى
يأما تيجى يأما تخدى
عمرى اللى باقى
30 أبريل 2017
ليست هناك تعليقات:
إرسال تعليق