يا ريتني! من أشعار عزت عبد العزيز حجازي الغنائية

يا ريتني!
*******

يا ريتني سريرك الدهبي ..

أبو ملايه مشجرَه ..

وكُحله في رمشِك العنبر ..

يا حبيبة قلبي يا سُكره .. !!

يا ريتني عروَه في فُستانك ..

وحرف جوا عنوانِك ..

وضحكه زينه معطرَه .. !!

يا ريتني قصه في كتابِك ..

وكلمه حلوه في أشعارك ..

وليله وردي منورَه .. !!

يا ريتني لمسه من إيدك ..

وهديه حلوه في يوم عيدك ..

ولُقمه هنيه مقمرَه .. !!

يا ريتني غنوه في أفراحِك ..

ورحله نيلي في مشوارك ..

ونسمه إمري مرحرحه ..

يا ريتني .. !!!!

****

من أشعار
عزت عبد العزيز حجازي

الغنائية