بحبك يا مصر .
مش مجرد كلمة بتتقال على الماشى .
بحبك كلمة بتتقال . بحسْ وكيان .
لأنها زى الكرامة . مش بتتهان .
بحبك . وبحب فيكى دعوة من أمى .
ووقفة من الجيران .
وكمان بحب لمة أخواتى .
والصحاب الجدعان .
وضحكة من حببتى لما بتفرحلى كمان .
بحب نيلك . وشمسك .
ومهما خدتى منى . بقولك خدى كمان .
واللى نكر خيرك . يرحل ومش عيب فيكْ النسيان .
ولما ترجع بتسامح .
لأنها زى ست الحبايب . كلها حنان .
أحنا ولادك
وشهدنا على ترابك . وانتصارك .
وعشنا فى خيرك . ولاعمرناش هننكر جميلك .
وزى ما فى الفرْح بتلقينا وبتشوفينا
فى وقت الشده هتلاقينا .
انا شهيدك .
انا سلاحك .
انا عرضك . انا ارضك . انا ابنك . ومش هبيع ولا هعايب
وكمان مش هعمل مصايب .
لأنى بحبك يا مصر وبعشق ترابك .
ـــــــــــــــــــــــــــــــــــــــ
مَحْمودْ بَدْرٌ # Mahmoud Badr
ليست هناك تعليقات:
إرسال تعليق