لحـظة حـب - الشاعر / رمضان فؤاد أبو الوفا

لحـظة حـبكل يوم أفرش طريق بيتكوا خطاوي شوق ولهفة وكل خطوة ألتفت يمكن أشوفكِوقلبي وروحي وعيني يستنوا طيفكِقلبي يدق وروحي تهفهفوعينية طايرة بتقول لي فينكِوالنسيم إللي عارفني يقول لي إهداإستنا حبة وشيل المحبة ف الجفونوحوّشها ف العيون و لمّ شوقك جوة قلبك وخلي حبك يترسم ف الوش ضحكة أصل يلمحنا عزول والعوازل لسة صاحية وإدعي ربك قول يارب ألقاها واقفة تبتسم لي بسمة الزهرة الجميلة إللي حاضنة الشوق بخفةعارفة إمتا البحر يضحك إنتي عارفةلما بتكوني يا عمري جنب شجرالحب واقفة *****************هي لحظة نص لحظة بس نظرة حتا لمحةألمح عـينيكي وإللي مداري ف هواهم موج عنيف وإللى لففنى وراهم نسيم لطيف يشيلني أحس إني خفيف وأطير وأطير وأحضن سحابات الأثيرزي أحلام العزارى ف يوم لطيفزي فراشات الورود وهى هاربة م الخريفتأخدني رمشة وي غمزة وي همسة حب منكِ وأتوه سنيني ف عد رمشكِ يأخدني سحر الليل ف شعركِ وأجدله يمكن يوصلني لطريق وآخد الطريق من أوله وأحمّل له أجمل عبارات الغراموأفرشه ف طريق بيتكوا خطاوي شوق ولهفة عارفة إمتا البحر يضحك إنتي عارفةلما بتكوني يا عمري جنب شجرالحب واقفة *****************ياسلام لوتظهري أوتخطري أو تضحكي ويبان لي سنكِزي أضواء المدينة جوة أحلام الشباب وأتوه ف شارع فيه ضباب وأنسا لحُيِظات الغياب وأداري لحُيِظات العـذابوأحس إني مخلوق جديدمخلوق سعيد جاي من بعيدنفسه ف بسمة م الشفايف واللفايف والفرولة والكريز وإللي أحسن من ده كله لو ألامسهم ف ضمة وأرتشف م الحب رشفة تأخدني رجفة وي رعـشة وي سكّرة حنانويبقا يومي يوم بديعأنا وإنتى ف المرايا ف ليل ربيع عارفة إمتا البحر يضحك إنتي عارفةلما بتكوني يا عمري جنب شجرالحب واقفة *******************ياه هي لحظة حب واحدة تملا كل الكون حنان والبنفسج يرتوي من عبيرك يا زمان والليالي الحلوة تبتديوتنتهي على صوت الكمانوالزُهيرات الجميلة تترسمتبتسم ف كل مكان ياهكل ده مخبي ف ثواني الشوق ياه وألف أه ع الهوا إللي راح وكان هو الحياهوع الدموع إللي باتت ف العيون البسمة إللي تاهت م الشفاهوكل إللي كان بينا وتاه وإللي فاضل منه آه عايشة جوايا سنين قولت أوزعها بحنين وأفرشها ف طريق بيتكوا خطاوي شوق ولهفة عارفة إمتا البحر يضحك إنتي عارفةلما بتكوني يا عمري جنب شجرالحب واقفة *******************الشاعر / رمضان فؤاد أبو الوفا