قصيده بعنوان
( عاوزين المركب تسير )
مش عاوزين ابدا نثور
الجثث تملا القبور
الحزن يعشش فى البيوت
والوجع يملا الصدور
عاوزين المركب تسير
بلاش نعقد الامور
ونرجع نتخانق على العيش
ياترى وحشنا الطابور
دا الحريه حاجه حلوة
احسن من عيشه الجحور
واحنا ابدا ماكان ف بالنا
نقضى حياتنا ف القصور
بكره الميه تعلا
وتساوى الجسور
يا بشر ربنا وهبنا عقول
مش شويه صخور
صدقونى بكره تحلا
وتفتح زهور
ونعيش حياة كلها حريه
زى حياه الطيور
كلنا نقول الحق
ابدا ما نشهد زور
نرمى البذور ... نعمر
نفتكر يوم العبور
والكل يفضل ف حاله
مستقيم زى السطور
محدش هيقول عليك جبان
وللا حد هيقول طرطور
الخراب مش سهل خالص
نعقل زى ما وصانا
القرآن ...والإنجيل ... والذبور
15/10/2016 ___ 11:00 pm
قلمي __________¶¶¶¶¶¶¶
ليست هناك تعليقات:
إرسال تعليق