بقلم ماهر البساطي..

(( ماتصالح بقي ياقمر ))

ماتصالح بقي ياقمر.. ياقمر
خصامك لقلبي خطر
وعلي بالي خطر..

إزاي هاعيش بكره
وانت عليا مش راضي
واعيش مجرد ذكري
يا تفتكرني يا تنساني

والفرقه تبقي مُره
ويبقي شتايا وصيفي مطر

ماتصالح بقي ياقمر.. ياقمر

عقلي مجنون بحُبك
وقلبي لا يُمكن يسيبك
وإديا تتمني تضُمك
وف آخر الدنيا أجيلك

إرضي بقي وراضيني
دمعي خٍلص من عيني
والبُكي سيبته لقلبي
زي الخريف ع الشجر

ماتصالح بقي ياقمر.. ياقمر

بقلمي
ماهر البساطي..