كام قطر فات؟ عزت عبد العزيز حجازي

كام قطر فات يا مانا واحنا ..

واحنا لسه متربعين ع المحطة في انتظار .. ؟!

كام قطر فات يا مَّاَنَا واحنا ..

واحنا لسه متلفحين ع المحطة بالغِبار .. ؟!

متكسره في قلوبنا أزاهير ورد السنين ..

متبعتره في عيونا أحجار مُدن الحنين ..

جاي الخلاص من دموع يأسنا ..

واللا الأمل مقتول على باب كل دار .. ؟!

جاي الخلاص من جنون بأسنا ..

واللا الدُجَى لسه مطلعلوش نهار .. ؟!

لو بس يوم في أخر النفق تلمحنا عين ..

لو بس يوم تسرقنا نجمَه ..

وترمينا في أبعد مدار .. !!!!

***

غنائيه عاميه من كلمات

عزت عبد العزيز حجازي