كل الكلام أباريق
شارباه لآخر ريق
ولسه بتمصي
فيا وتبصي
نفوسنا ليه بضيق
من أخ كان وصديق
رصي الوجع رصي
تفتكري أو تنسي
تحبي أو تئسي
تتوهي أو ترسي
مين فينا فيك برئ
يا أرض ملاحه
نتانه فواحه
من إمتي مرتاحه
ليه إل مات دا غريق
بتحيي علي دمي
تعيشي من لحمي
ولا مره بتسمي
عايزاني متغمي
أنا وإل جنبي رفيق
طب ليه يا سجانا
ليه فيك سجنانا
م الدنيا سرقانا
في أكفانا دفنانا
فرج يا بعد الضيق
كل الكلام أباريق
شارباه لآخر ريق
ولسه بتمصي
فيا وتبصي
نفوسنا ليه بضيق #
( علي فراج )
ليست هناك تعليقات:
إرسال تعليق