من كتر اشتياقى للفرح
ومن كتر ماقلبى انجرح
قلت أهدى الحبايب ورد
وادفى القلوب م البرد
برد الحبايب دا شرد
والعمر ولى وراح
قنديل حياتى انطفا
من قله الأفراح
فين الحنان والوفا
والقلب كله جراح
وروحى متقريفا
معدتش فيها براح
جيت ف ساعه صفا
قررت الآتى
أطلع يوماتى
بامنياتى
وزهرياتى
أكبر غاياتى
أزرع سعادة في قلوب الناس
تطرح شجر مليان إحساس
واصحى فيهم غرام انداس
من بشر وشيطان ...خناس
وأمشى الهم مغلوب
واخلى البشر حبوب
قلوب تداعب قلوب
افراح وتفتح طريقنا
الحب يفضل صديقنا
معنا ويمكن سابقنا
ونتهنى ونبل ريقنا
الحزن يمشى يفارقنا
وهنشبع حب وواد
خلاص هننسى البعاد
ولا يبقى بيننا سهاد
نسبق خيالنا بجواد
للحب من غير معاد
ونقول للحزن استنا
امشى كمان وأبعد عنا
م خلاص القلب اتهنا
ونعيش بقى ف الجنه
إحنا وحبايبنا
سعيد عباس الضو
ليست هناك تعليقات:
إرسال تعليق