رغم إنك فى قلبى لكن بإيدى هخلعه
وف بحر أرميه لموجه تخده تضيعه
ولا إنى أعيش أسير الشوق والغرام
وهسيبه كمان من غير ماحتى أودعه
******************
ياللى من كتر هجرك قسيت فؤادى
وبسوء ظنك ضيعت منك حبى وودادى
طب أعمله وأنا كنت ليك أجمل ما فيك
وبخاف عليك لو نسمه مرت بين الايادى
*****************
وليه بتجرح قلبى ال عاشلك من سنين
وداق عشانك ظلم وملامه هم وأنين
مين اللى قال قلبى يحبك بعد اللى كان
انا ادوس عليه لو مره فكر تانى ف حنين
سعيد عباس الضو
ليست هناك تعليقات:
إرسال تعليق