أختلفت أسامينا
أختلفت أسامينا محمد عن مينا
نوابنا وحاسة باللي........... بينا
حلوا مشاكلنا الكتيره
الأسعار بقت قد أيدينا
مفيش غلا مفيش مشاكل لينا
ناقشوا وعالجوا التعليم والصحه
غمروا في قلوبنا الفرحه
مفضلش غير أسامينا
البرلمان بقي ديني به هنينا
الفكر الوهابي بيطغي علينا
بكره هروح السجل واطلب ورقه
وأغير أسامي أولادي وأسامينا
أه هغير إسم روجينا ويوستينا
مفيش أربع تلاف جنيه ف بيتنا
ولا أتسلف من عيلتنا
ولا هيبيعوني بقرتنا
رضاك ربي علينا
أسمع بقي يا بلدينا
أرجع لأسامي مصر القديمه
أحمس ورع ويوسف ومينا
لكانت علي ولا أحمد ولا كريستينا
كلها أسامي أجنبيه ودخيله علينا
بأمر سيادة رئيس البرلمان
الراجل الكباره الغالي علينا
ونوابنا النيام المفروضين علينا
هيناقشوا أسامينا أرقصي يا فهيمه
هنغير أسامينا عيب علينا
أسامي أجنبيه ومش جميله
وقفت وأنتابتني الحيره
إلى التفرق يسود علينا
متي ترفع الحواجز بين محمد ومينا
متي تشفي الأنفس المريضه العليله
فكر وهابي ساد المدينه
زغرطي لنوابك يا وهيبه
فاقوا من نومهم على أسامينا
وتجاهلوا الأسعار والحياة الكريمه
رجعنا للبرلمنات القديمه
فرق تسود تصير لك قيمه
سيظل محمد أخو لمينا
ومش هتفرقونا بأسامينا
كلمات أندرو فرج
11/6/2017
ليست هناك تعليقات:
إرسال تعليق