جايا عليا تعيدى ولا تعزى
لما جروحك كلها ولابسه أسود
شكلك كدة بتحاولى تستفزى
وإن جيت أرد تقوللى أبعد
وأزاى اسكت وانا شايف جراحك
ونظرات عنيكى سكاكين ف قلبى بتغزى
وكأنك بتلومينى على سكوتى
وأزاى ادارى دموعى ف عينى
وإنت بكل قوة لكيانى بتهزى
وشياطينك عليا بتوزى
لو كنت بتعزينى
طب ليه كده راضيه
ومش فاضية للى قلبه عليكى يتقطع
واللى يقطع ف لحمك معاه كده هادية
ياورده نادية كانت محمية بالاشواك
رموكى ف شباك وهتكوا كمان العرض
وإيه فايدة الشوك إذا مايحمى الورد
دا أنا ف عز البرد كنت بتدفا فى حضنك
أصبحتى باردة فى عز ليالى الصيف
وحد السيف المفروض على الغريب حامى
والقلب دامى مدام سكينك ع القريب مش تيلمه
وعلينا عالمة وواقفه على كل الحدود
والحب موجود بس النفس محدود
والكلام معدود علينا بالكلمة
وإنت مسالمة وفيه بشر غدار
وماشي بالمندار والطريق مسدود
فبلاش اللعب ع العود والوتر مشدود
سعيد عباس الضو
ليست هناك تعليقات:
إرسال تعليق