يا سيوف محنى نصلها داخل جراب
لا عارفه سكه للخروج ولاعارفه باب
ولا لاقيه راجل يفهمك ولا فيه شباب
محطوطه زينه على الحيطان وفى الدولاب
امتى يكونلك فيه رجال ولاه اللى شايلينك دواب
مستكفين بالمنظره و بطوله نسج الثراب
عملوكى للرقص حطب رغم المذله والعذاب
وانشغلوا بجمال الغنى ومناحه بيعزفها غاب
والدم فى ايدهم كاسات مساطيل على تلال من خراب
عايشين فى عز ونغنغه وشعوب عايشه فى العذاب
ولاه دى فترة غربله بتفصل اللى واقف من اللى اتحنى
واللى لبس ثوب النساء واللى طبيعته المرجله
ولاه المتاهه اتفحت وصبحنا زمن الهرجله
وبننتظر راجل شريف يقود امة مبجله
يا سيوف محنى نصلها داخل جراب
لا لاقيه راجل محترم ولا شايفه باب
الصبر اخره الفرج بعد الغياب
بقلم محمد البلاط
ليست هناك تعليقات:
إرسال تعليق