(((حلم)))
من بين عيون الكون
قلبى أنا اختارها
ومع كل هلة قمر
يجيبله منظارها
يتوه ف أسرارها
تخطفنى انوارها
واسهر تملى معاه
وأسكر ف خمر بهاه
وأعيش على ذكراه
واسرح وفكرى معاه
وأحسب وامتى ألقاه
دا كل لحظه تمر بقلبى
من غير ما أشوفك
بغيب أردد حروفك
وكأنها غنوه
على قلبى كات حلوه
ولو القمر ف ليله غاب
اتدارى ورا السحاب
وغابت انواره
كنت افتكر لحظات
الخجل ويا الكسوف
وشعرك الملفوف
وخصله على خدك
وعبايه كات سمرا
مجسمه قدك
ولما تلمحك عينى
تدارى ورا ستارة
كام مره شفت هواك
من ورا الشباك
سمعت ياما غناك
كتير ورا الراديو
وعاشها قلبى معاك
وشفايفى وراك ردو
ياما حلمت معاك
على وعد بستناك
فى جنينة وشجرأخضر
وجنبها بستان
عصافير مع كروان
ورود بكل ألوان
وياسمين من الأحمر
جيتلى وبتلقاك
حلمى اكون وياك
روحى وهبها فداك
وفدا عيونك الحلوه
ليست هناك تعليقات:
إرسال تعليق