بقلم عبد الرحمن الحناوي

بقلم

عبد الرحمن الحناوي :

***** ***** ***** *****

أوعه في مرة تقول أنا كان نفسي أكون حيوان * 

ذبحوا كلاب ذبحوا حمير ولحومهم في كل مكان * 

خليك دودة ولا بعوضة واهرب من ذبح الشيطان * 

جايلك جايلك بالسكين ميت ميت بلا عنوان * 

م الجوع ميت أو م القهرة إنسان كنت أو حيوان * 

م الغلا ميت أو م السخرة تمنك كام يا إنسان ؟ *

بص يمينك بص شمالك كام واحد عايزين إحسان *

وأنت تداري نفسك منهم والحال كله تعبان * 

نفسك تدفع حاجة لله بس منين دا كان زمان * 

الغلا خلا الناس في ذهول اصحي وفوق يا إنسان *

عشنا وشفنا ناس بتبكي وتصرخ من طول حرمان * 

عايز لقمة تدخل جوفه وتبرد نار الجوعان *

والتاني راح صوته وبناته طالبين إحسان * 

والتالت واقف يتألم وعالرصيف نايم عريان * 

ما بقاش يفرق حاجة معاك شربت الذل في الفنجان * 

----------------------------------------------------