قصيدة / ( سلم الحلم )
بقلمي / هدى سيد
٢٠١٦/٨/١٦
كاتب بارع أوى فنان
أشطر من توفيق ونجيب
أما صحيح تلميذ ونجيب
كل نتاجك قصة وحيدة
بس الحبكة عجيبة فريدة
كل شخوص القصة ف إيدك
واللى يخلص دوره يروح
وبقلمك تحفر له ف قبره
وتطلع درجة ف سلم حلمك
بعدها مد الطول ول بصرك
تختار تانى ضحية ل حجرك
اللى هتعلى عليها لهدفك
صقفة كبيرة لعقل سعادتك
أنا مشدوهة وبيك مبهورة
أحرف من لعيبة الكورة
الشوطة من رجلك فورة
خطواتك محسوبة بدقة
عارف كل خيوط اللعبة
بالثانية ساعتك تحسبها
إمتى وفين تقفل ستارتها
وتكتب للقصة نهايتها
والجمهور هيقوم مبهور
ويصقف ويقول شطووور
داس على كل الناس بالدور
فى سبيل حلمه وبقى مشهور
كاتب بارع أوووى فنااااان
بس نسيت إنك إنساااااااان
ليست هناك تعليقات:
إرسال تعليق