غلطت عمر غلطها القلب - قالى تحب وعيش ايامك
انا ايه ذنبى كان فى ده كله - اسمع وامشى وراك فى كلامك
عشمتنى بالجنه وراحه - والف حوريه معها تفاحه
افتح عينى على المهاتيه - والف خناقه والف مناحه
الطلبات كثرة على راسى - واصهين انا واعمل ناسى
وساعت النوم انا اشد غطايا - وغذب عنى اكتم انفاسى
انا ايه ذنبى كان فى ده كله - اسمع وامشى وراك فى كلامك
غلطت عمر غلطها القلب - قالى تحب وعيش ايامك
قولت اطاوعه احب الجاره - بنت حلال وناس اماره
يمكن القى فيها الخير - ورميت الطعم بسناره
بعد يومين حنت ولانت - اتجننت وقيامه قامت
قولت اقيم الفرح بسرعه - جبت الشبكه ورحت انا شابك
اترينى جاهل فى الصنعه - وفى طلباته ابوها كان حابك
من عينها نزلت الدمعه - قولت يا ست الكل عشانك
لو بالدين راح اريح ابوكى - وهشيل الجزمه وفستانك
عدت ليله وكانت ليله - ناس فرحانه وفى هليله
واتحملت وجيت على نفسى - عشمى انى اسعد كل العيله
بدأت قصة حزنى ويأسى - ويوماتى بقى لينا هليله
انا ايه ذنبى كان فى ده كله - اسمع وامشى وراك فى كلامك
غلطت عمر غلطها القلب - قالى تحب وعيش ايامك
بقلم محمد البلاط
ليست هناك تعليقات:
إرسال تعليق