اخ ياامي شو ماحكيت بحقكك كثير قليل انتي يلي مرافقيتني عكل السنين تعذبتي وفنيتي حاللك من اجلنا كثير بتعرفي ياامي لواشرب المي يلي بتغسلي فيها رجليكي بكل سرور مابكفيني وبحقكك كثير مقصيرين ياما سهرتي الليالي واحنا مرضانين وتمشي حافيه علدروب تاتطعمي الجوعانين بتذكر ياامي الغسيل تحمليه علبركه حتى تغسليه وعكتافك شايليتني اخ شوجسمك كان نحيل ياامي انتي يانور العين تنطرينا علدروب وقلبك النا ملهوف ياحبيبتي قديش ضحيتي كرمالنا كل هلسنين ربيتينا بدموع عيونك الحلوين وتشيلي لقمتك من ثمك تاتشبعينا كنتي تحرمي عحاللك تشتري اواعي جديده حتى تفاجئنا وتلبسينا ومانكون من رفقاتنا خجلانين تجاعيدوجهك اقدسها يازينه الحلوين ياحبيتي شوعملت فيكي هلسنين سامحيني ياامي الكلام بحقكك كثير قليل اخ ياامي حجار الدار كلها شلتيها عكتافك والزرع باارضك كلوا من شقيك وتعبك بنص الليل تروحي للحصاد مع الفلاحين وصوات اغانيكم نسمعها واحنا فرحانين ياامي يا مربيه كل الاجيال علمتينا نكون أقوياء نحب الخير ونساعد الفقير والمحتاج ومانسكر بابنا بوجه الاغراب اخ ياامي ابوس الأرض يلي تمشي عليها ياحبيبه قلبي ظهرك انحنى وشعرك شاب عفراق ولادك هلشباب راحوا وتركوكي وحيده وغريبه ظلمتك الحياه ياامي كثير ياماصبرتي وتحملتي عشانا كنتي تخبي دموعك عنا كنا حاسين فيكي ياامي لكن مابيدنا حيله كبرنا وتفرقنا ياامي ياصبوره حنيتك مافي منها انتي مثل الأرض السخيه عطائك مالوحدود ياحبيبتي ياوجهك يشع نور امي ياريتك بعدك عايشه تااشكيللك همي كان سماع صوتك يريحني امي خذيني وضميني لحضنك وريحيني من عذاب السنين امي تغربنا وتبهدلنا وصار الكل يتحكم فينا ياامي والله قسي الزمن علينا وين كنا وين صرنا تهنا وتاهت اراضينا ..
بقلم هويدا الناصر
ليست هناك تعليقات:
إرسال تعليق