هجر الأمان ارض الوطن
صبح المكان مليان عطن
لو قولت كلمة طيبة
فى حديد تروح وتتسجن
يا عقول عفاها الزمن
ايه تنتظر من اللى اتغبن
غير حق لازم يطلبه
لو راح يموت ويندفن
هجر الأمان ارض الوطن
وريح محمل بالسموم
محودف عليه شايل هموم
ولون اسود فى الغيوم
ايه منتظر من المطر
على ارض فيها انتصر الظلم
والعدل انحشر
هجر الأمان ارض الوطن
صبح المكان مليان عطن
لو قولت كلمة طيبة
فى حديد تروح وتتسجن
وياما ناس بتتعدم
وناس غيرها بتندفن
وناس تاهت فى الهوا
وقلب سكلى بيتكوى
والجوع تمتم على الشوا
بقت الحياه دود فى عفن
صبح المكان مليان عطن
هجر الأمان ارض الوطن
لو قولت كلمة طيبة
فى حديد تروح وتتسجن
هجر الأمان ارض الوطن
ومن ولاده فيه خدم
ليهود وفرس ولصنم
بيحلفوا الف يمين
للصهيونيه هنحترم
والقدس نعطيها باليمين
وبالشمال هنبيع ذمم
وبدمعه داخل مؤتمر
نكسب عطف الرمم
واللى حاربتوا عليه سنين
هنجيبوا منهم بالعشم
هجر الأمان ارض الوطن
صبح المكان مليان عطن
لو قولت كلمة طيبة
فى حديد تروح وتتسجن
بقلم محمد البلاط
ليست هناك تعليقات:
إرسال تعليق