(لما يغتالو الفرحة ف عيون البشر)
البشر أنواع وكله سارح ف الحياة
إلى معاه المال وإلى نفسه يلقاه
وإلى غايب عن الوعى بيقول الله
ودا حياته تبدأ بعد ما يفارق الحياة
*
لما يغتالو الفرحة ف عيون البشر
وأما الضمير يتعدم تصبح قلوبهم حجر
ليه الخيانة مستحيلة ف وقت كله خطر
إياك فاكرها الوسيلة بشكلها المختصر
*
إرافع عن عينيك النظارة السودة
إلى مش شايف بيها غير سواد
لو ف يوم النظاره هتغير الصورة
لو إتخدعت أعلن على نفسك الحداد
*
لو شوفت الحقيقة فى المراية أوعاك تجاريها
ماهى أصلاً م البداية محدش فاهمها
إلى يفهم يموت ودى بتكون أخرتها
إنسان ومعهود وعينيك تتعمى لو صابتها
*
لما يغتالو الفرحة ف عيون البشر
وأما الضمير يتعدم تصبح قلوبهم حجر
ليه الخيانة مستحيلة ف وقت كله خطر
إياك فاكرها الوسيلة بشكلها المختصر
*
ضميرك أوعاك يصحى من نومه
خليه نايم ف العسل مرتاح البال
الغنى عايش ومين شايل همومه
غيرإنسان مطحون بالفقر بس إبن حلال
*
لما إستوعبت السياسة قولت أنها بحر
كله أفاعى وإلى واقف ع الشط
إنسان عقله فاضى وفاكر انه عايش حر
عنده مرض عجيب إسمه طعم المر
البشر أنواع وكله سارح ف الحياة
إلى معاه المال وإلى نفسه يلقاه
وإلى غايب عن الوعى بيقول الله
ودا حياته تبدأ بعد ما يفارق الحياة
محمد شفيق مرعى
3/11/2016
ليست هناك تعليقات:
إرسال تعليق